ప్రముఖ ఎయిర్ లైన్స్ ఎమిరేట్స్ ఫిబ్రవరి 1 నుంచి అమెరికాలోని సియాటెల్ కు సర్వీసులు ప్రారంభించనున్నట్లు ప్రకటించింది. అదే సమయంలో దుబాయ్ నుంచి డల్లాస్, శాన్ ప్రాన్సిస్కోలకు విమానాలను మార్చి 2 నుంచి ప్రారంభిస్తున్నట్లు వెల్లడించింది. న్యూయార్క్, లాస్ ఏంజెల్స్ కు ఫిబ్రవరి 1 నుంచి అదనపు విమాన సర్వీసులు నడుపుతున్నట్లు సోషల్ మీడియా వేదికగా తెలిపింది. సురక్షితంగా, క్రమక్రమంగా తమ విమాన సర్వీసులను తమ నెట్ వర్క్ అంతటికీ విస్తరిస్తున్నట్లు ఎమిరేట్స్ తెలిపింది. ప్రస్తుతం ఆరు ఖండాల్లోని 114 ప్రాంతాలకు ఎమిరేట్స్ సర్వీసులు ప్రారంభించింది.