ఫస్ట్ దుబాయ్. ఇప్పుడు మాల్దీవులు. కరోనా సంక్షోభం తర్వాత ఒక్కొక్కటిగా పర్యాటకులకు గేట్లు తెరుస్తున్నాయి. జులై 15 నుంచి మాల్దీవులు పర్యాటకుల కోసం సరిహద్దులను ఓపెన్ చేయాలని నిర్ణయించింది. ఈ మేరకు మాల్దీవుల అధ్యక్షుడు ఇబ్రహీం మొహమ్మద్ సొలిహ్ ఒక ప్రకటన విడుదల చేశారు. కరోనా కారణంగా మార్చి 27న మాల్దీవుల సరిహద్దులను మూసివేశారు. ఇప్పుడు పర్యాటకాన్ని తిరిగి ప్రారంభించాలని నిర్ణయించినట్లు అందులో పేర్కొన్నారు. దీనికి సంబంధించిన మార్గదర్శకాలను త్వరలోనే విడుదల చేయనున్నారు.