రస్ అల్ ఖైమా కు స్పైస్ జెట్ విమాన సర్వీసులు

దేశంలోని ప్రముఖ చౌక ధరల విమానయాన సంస్థ స్పైస్ జెట్ రస్ అల్ ఖైమాకు విమాన సర్వీసులు ప్రారంభిస్తోంది. దీంతో ఈ ఎయిర్ లైన్స్ నడిపే అంతర్జాతీయ గమ్యస్థానాల సంఖ్య 12కి పెరిగింది. నవంబర్ 26 న ఢిల్లీ నుంచి రస్ అల్ ఖైమాకు ఈ విమాన సర్వీసులు ప్రారంభం కానున్నాయి. యూఏఈలో రస్ అల్ ఖైమా నాల్గవ అతి పెద్ద ఎమిరేట్ అని..దుబాయ్ నుంచి 90 నిమిషాల వ్యవధిలోనే ఆ ప్రాంతానికి చేరుకోవచ్చని స్పైస్ జెట్ చీఫ్ కమర్షియల్ ఆఫీసర్ శిల్పా భాటియా తెలిపారు.

ఎంతో మెరుగైన మౌలికసదుపాయాలు, ఓడరేవులతో సులభంగా అనుసంధానం , అంతర్జాతీయ విమానాశ్రయాలు వంటి వాటితో పెట్టుబడులకు రస్ అల్ ఖైమా ఎంతో అనువైన ప్రాంతం అని పేర్కొన్నారు. రస్ అల్ ఖైమాతోపాటు స్పైస్ జెట్ కొత్తగా 12 కొత్త దేశీయ విమాన సర్వీసులను కూడా ప్రారంభిస్తున్నట్లు ఒక ప్రకటనలో వెల్లడించారు. ఈ విమానయాన సంస్థ రోజూ 61 ఉడాన్ ఫ్లైట్స్ నడుపుతోంది.